Kompletohen gjysmëfinalet e Euro 2020, mësohen datat dhe orari

23:37 | 3 Korrik 2021
A. B.

Sot (e shtunë) janë kompletuar dy ndeshjet gjysmëfinale të Kampionatit Evropian “Euro 2020”, ndërsa tashmë dihen edhe datat dhe orari.

Gjatë ditës së sotme janë zhvilluar dy çerekfinalet e fundit të Euro 2020, ku janë mësuar emrat e gjysmëfinalistëve.

Danimarka ka mposhtur Çekinë me rezultat 2-1, ndërsa Anglia mposhti Ukrainën thellë 4-0 duke kaluar të dyja në gjysmëfinale të Euro 2020.

Këto dy kombëtare i bashkohet dy kombëtareve tjera të njohura, si Italia dhe Spanja që siguruan gjysmëfinalen gjatë ditës së djeshme (e premte).

Gjysmëfinalja e parë është ajo mes Italisë dhe Spanjës dhe zhvillohet më 6 korrik nga ora 21:00.

Gjysmëfinalja e dytë në mes të Anglisë dhe Danimarkës dhe zhvillohet me 7 korrik, po ashtu nga ora 21:00.

Të dy gjysmëfinalet janë të paraparë të zhvillohen në stadiumin Wembley të Londrës në Angli. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm